Friday, September 23, 2016

Oops! Lalaki pinutolan nin ikinabuhay sa Baao

BAAO, Camarines Sur September 23, 2016 (Bicol Standard) --“Nagngiritngit su pagselong ko. Pauno nabayad ko si misis na may katakin na lalaki sa kubo.”



Ini an nagserveng mitsa kun tano ta apat (4) na beses na sinaksak ni Victor Boaquenia, 43, taga Sta. Justina, Buhi, Camarines Sur si Diego (bakong tunay na pangaran).

Makuring pagselos asin daeng siring na pagkamoot an nagsindi kan krimen, sabi pa sa imbestigasyon.

Nangyari ini kasoodmang alas-5 nin hapon sa Sitio Nilayuan, Brgy. San Francisco, digdi.

Nagluluwas sa report na pakatapos na patadokan nin apat (4) na saksak an lawas kan victima, pinirit pa kan suspechado iluwas an ikinabuhay kan lalaki, dangan pinutol ini gamit an saiyang mangorol man nganing kutsilyo.

Sabi ni SPO4 Albin Badong, spokesman kan Baao MPS, nagsabi suboot an victima na dae niya kayang mapogolan an nag-aarab-adab na kaanggotan sa kahoron kan saiyang agom.

Mientrastanto, sa interview kan Radyo Amigo sa Iriga City, nagpasabot na suboot an suspechado na masuko man siya sa mga awtoridad tanganing atubangon an casong pwedeng isangat kontra saiya.

An victima pigbubulong ngonian sa Bicol Medical Center (BMC) sa Naga City.

Malaen pa an saiyang kamugtakan.

Mayong pang report kun may esperansa pang maremedyaran an pinutol niyang ikinabuhay. (May report hale ki Maria Theresa Iraola asin Max Magalona)
Share:

SPECIAL OFFER

SPECIAL OFFER

Featured Post

Masbate's Villalobos Gang leader falls

MASBATE CITY 8/15/17 (Bicol Standard)--The alleged leader of Villalobos Gang, Ruel Villalobos y Amo, was neutralized in an anti-illegal...