Sunday, September 25, 2016

2ng Irigueño, 9 pang Bikolnon kaiba sa taunan na antolohiya

Ni Frank Peñones

IRIGA CITY--Darwang Irigueno a kaiba sa pinakabagong publikasyon sa literatura ka Cultural Center of the Philippines.

Si Chancoco saka si Baeta

Kaiba sa ANI 39 na agko temang “The Animal Kingdom,” si Jose Jason L. Chancoco ag si Elbert O. Baeta. Si Chancoco nagtututuro sa Ateneo de Naga University ag kagsurat ka Pagsasatubuanan: Poetikang Bikolnon na natawan sa Premio Bibiano Sabino ka Arejola Foundation; mantang si Baeta nasa bakasyon sa pagtutturo sa literature sa Central Bicol State Univesity of Agriculture ta pigtatapos niya M.A. sa University of Sto. Tomas. Napili ka editor ka ANI 39 na si Herminio Beltran su darwang rawit-dawit sa Bikol ni Chancoco na Sa Parasurat na Inapon sa Salog ag City Springs; mantang su Paglubong Ikos man ki Baeta.

Apwera sa darwang Iriguenong parasurat, nakaiba man an mga beteranong parasurat na si Alan Popa ka Catanduanes, Christine Bellen, Lorna Arejola Billanes ag Honesto Pesimo. A iba pang Bikolnon na napili a mga obra sira Emmanuel T. Barrameda ka Catanduanes, Julius D. Bulahan ag Ian Kenneth L. Orasa ka Naga, Sabina Marites D. Lanada, Nestor Librano Lucena ka Daraga, Albay, Eilyn Lamadrid Nidea ka Ragay, Camarines Sur.
Share:

Featured Post

VG Pimentel lobbies for CNorte hospital upgrade

Camarines Norte Provincial Hospital Photo via https://www.facebook.com/pages/Camarines-Norte-Provincial-Hospital/216874988337215 DAE...