Bicol newspaper | Bicol Standard | Get Bicol news about the Bicol region: Naga City, Camarines Sur, Albay, Legazpi City, Masbate, Sorsogon, Camarines Norte and Catanduanes.

Wednesday, December 16, 2015

Ama, tinigbas gadan kan aki

BUHI, Camarines Sur—Kasong Parricide an aatubangon kan sarong 21 anyos na lalaki na tinigbas an sadiri niyang ama kan Domingong banggi sa Sitio Tobog, Brgy. Lourdes sa banwaan na ini

Nagpahayag an mga imbestigador na an victima na si Domingo Alumbro, mantang burat, sinapuyong an saiyang live-in partner na si Shiela Iglesia.

An incidente naheling kan suspechado na si Romeo "Tolome" Alumbro na nag-eestar sa parehong harong. Sa grabeng kaanggotan, nagkua si Romeo nin minasbad asin pigtigbas an daghan asin lalawgon kan saiyang ama na si Domingo.

Tulos na binawian nin buhay si Domingo sa sinapo kaining mga tama.

Kan maaraman an nangyari, dinumanan kan mga barangay official an residencia kan mag-ama, dinakop si Romeo, asin ipig-turn over sa Buhi Municipal Police Station.

Pigpepreparar na kan mga pulis an asuntong aatubangon ni Romeo.—BICOLSTANDARD.COM
Share:

Featured Post

Advantages and disadvantages of mother tongue-based education

Photo: Naga Smiles to the World by Shiela S. Ronquillo Del Gallego Central, Del Gallego District Since School Year (SY) 2012-2013,...