Latest

"Harayo an mga aki sa blackboard? Darahon an blackboard sa mga aki!"



"Harayo an mga aki sa blackboard? Darahon an blackboard sa mga aki!"

Ini an naging motto kan 56 anyos na si Augusto Furaque, Grade V teacher kan San Isidro Elementary School sa Bulusan, Sorsogon, segun sa DepEd.

Sabi kan maestro, kaipuhan niyang gibuhon ini tanganing maging epektibo an mga ginigibo nindang intervention para sa mga eskwela na nangangaipo nin dugang na tabang.

Dagdag niya pa, naheling niya na mas nakakanood an mga aki kun may blackboard nin huli ta mas napapaliwanag niya por medyo kaini an mga leksyon.

Nanotaran niya man na mas nagiging aktibo an mga aki sa pag-adal kun igwa siyang gamit na blackboard.

Sinabi kan maestro na kaidto, manila paper an saiyang ginagamit sa mga follow-up lesson, alagad mas suno niya an blackboard ta ini dai napapakit, nababasa, asin pwedeng gamiton nin pirang beses.

Sabi man kan mga magurang kan mga aki na tinutukduan ni Furaque, naoogma sinda sa tiyaga asin dedikasyon kan maestro.
 
Dinadara ni Furaque an saiyang blackboard sa mga balkon o sala kan mga harong kan mga aki, pati na sa mga barangay kiosk o ibang open space.

Sabi pa, pigtugutan ini kan principal kan eskwelahan na si Jocelyn Fulo-Garalde, basta suboot sunudon an safety protocols arog kan social distancing asin pagsulot nin face mask, maski na ngani mayo man na nairerecord na kaso nin Covid-19 sa saindang lugar.
___