Latest

Petron, naghagad dispensa sa traffic na pigkawsa kan diskwento

Retrato hale sa Petron Magsaysay

NAGA CITY (Bicol Standard)--Naghagad nin dispensa an Petron matapos kaining akoon na nagkawsa nin grabeng traffic an saindang 50% price off promo kasubago. 

Sa ipinaluwas na statement kan pinakadakulang oil refining and marketing company sa nasyon ngunyan na hapon, sinabi kaini na dai ninda pigpasipara an mga naresibing mga suhestyon asin feedback hale sa publiko.

Sabi kan Petron, an saindang promo boot man sanang magtaong kadikit na tabang sa publiko por medio kan diskwento, asin regaluhan an mga parokyano sa saindang pagsuporta sa Petron.

Nagpasalamat man an kompaniya sa mga traffic enforcers, LGU, asin barangay officials na nagtabang sa pagmanehar kan traffic sa parteng igwa sinda nin gas station.