Latest

Kampanya sa CNorte kontra sa paputok, mas pinakusog


DAET, Camarines Norte (Bicol Standard)—Nagkasararo an Provincial Health Office, Camarines Norte Provincial Police Office, Bureau of Fire Protection, asin mga miembros kan local na media sa kampanya kontra sa paputok sa Provincia kan Camarines Norte.

Kan nakaaging Disyembre 10, nagtiripon sa sarong advocacy meeting an representantes kan mga nasambit na grupo sa Little Theater sa Provincial Capitol tanganing tokaron an mga disbentahe kan paggamit nin mga paputok sa panahon kan mga selebrasyon.

Sa inapod na Aksyon Paputok Injury Reduction (APIR) campaign na Oplan Iwas Paputok, pigpagirumdom an publiko kan mga peligro na dara kan paputok, arog kan mga efecto sa respiratory system asin pandangod, asin mga lugad sa hawak. Pwede man ini magkawsa nin kasulo.

Sabi pa, pwede man magselebrar sa paagui nin ibang bakong peligrosong mga alternatibo arog kan torotot o music speakers.

Maroromdoman na sa Camarines Norte, 12 an nairecord na biktima kan paputok kan nakaaging taon, kumpara sa 3 sana kan 2018.