Latest

14 health worker, 2 pa, naisalbar sa naglubog na baroto sa Albay


LEGAZPI CITY (Bicol Standard) -- Treceng nurse asin sarong midwife, pati na an duwang parabaroto, an naisalbar matapos maglubog an saindang linulunadan na baroto na pig-aapod na "kumpit" sa Rapu-Rapu, Albay matapos ini rapaduhon kan darakulang hukol sa dagat.

Segun sa Office of Civil Defense Bicol, an grupo nin mga health worker na nakadeploy sa isla, pasiring na sa Legazpi City kan mangyari an insidente.

An biglang pagraot kan panahon sa dagat pig-aapod kan mga residente na "tribunada" asin pigkokonsiderar na peligrosong maray, sabi man ni Ayra Bataller kan Municipal Risk Reduction and Management Office.

Nanotaran an darakula asin makukusog na alon sa lugar kan nakaaging pirang aldaw, dara kan amihan asin Tropical Depression Vicky.