Latest

Parking space kan parasaod sa Pili, problemang maray

File photo hale sa Pili MPS


PILI, Camarines Sur -- Kaipohan nang aksyonan sa orog na madaling panahon an problema kan dagmang na mga habal-habal na ginigibong permanenteng parkingan an atubangan kan public market kan banwaan na ini.

Nin huli kaini, mayo na nin maparadahan kan saindang mga vehiculo an mga parasaod sa lugar.

Si Municipal Coucilor Narcel Lopez, nagpahayag na dai naghuhuraw an sumbong kan mga residente, nin huli ta nag-oorog an problema, dai nagigibohan nin solusyon o remedyo kan mga oficial na nanunungdan.

Bako sanang habal-habal an permanenteng nag ookupar kan lugar, kun an mga padyak, siring man.

Inapodan na an atensiyon kan Public Safety Office asin an Philippine National Police na maggibo nin paagui, nganing maipasunod an tabang pagparada kan mga vehiculo, orog na sa pinakacentro kan ciudad.

Igwa nin ordinansa dapit digdi, alagad dai ini pig-iimplementar.