Latest

Tropical Cyclone Ofel, pwedeng mag tugpa sa Sorsogon sa aga


LEGAZPI CITY (Bicol Standard)-- Pwedeng magtugpa sa Sorsogon an bagyong si Ofel sa aga, sabi kan PAGASA kasubagong alas 5:00 nin hapon.

Si Melvin Almojuela, an weather forecaster kan PAGASA nagsabi na an Tropical Depression na si Ofel, iyo an ika-15 bagyo na naglaog sa Philippine Area of Responsibility (PAR) ngonian na taon.

An bagyo yaon sa distanciang 115 km sa Sirangan, Norteng Sirangan kan Guian, Eastern Samar o 420 km sa Timog, Sirangan kan Legazpi City ngonian.

Nakabandera an Tropical Cyclone Wind Signal No. 1 sa Sorsogon, Northern Samar, Norteng parte kan Eastern Samar asin sa norteng parte kan Samar.

Pwedeng mag tugpa ini sa Sorsogon sa agang hapon, dangan maderecho sa Burias Islang, pasiring sa Marinduque, asin sa Oriental asin Occidental Mindoro.

Nagpatanid an PAGASA na pwedeng magbaha sa mga harababang lugar, asin magtupag an daga sa mga peligrosong lugar.

Maluwas ini sa PAR sa Biyernes na hapon o banggui.