Latest

DepEd: Ireport an mga sala sa self-learning module


LEGAZPI CITY (Bicol Standard) -- Sa tahaw kan manlaen laen na report nin mga error o sala sa self-learning module, DepEd Commons, o DepEd TV, hinagad kan DepEd an pakipagtabangan kan publiko na maireport ini sa oficina ninda.

Ngonian na aldaw, pigpublikar kan DepEd an mga paagui kun sain sinda pwedeng icontact manungod sa mga nasambit na error.

DepEd Error Watch

Email - errorwatch@deped.gov.ph
Text/Viber - 0961-6805-334
Messenger - DepEd Error Watch (@depederrorwatch)
Workchat - DepEd Error Watch (https://deped.workplace.com/groups/616392985671470)

Dakulang tabang an madadara kan pagreport na ini sa pagpaorog kan edukasyon sa Pilipinas sa panahon kan pandemya, segun sa DepEd.

Sa paagui kan pagreport, makokorehiran kan DepEd an mga nanotaran na sala sa learning materials.