Latest

Nin huli sa selos, daraga sa Daet, sinaksak, gadan



DAET, Camarines Norte (Bicol Standard) -- Nagsuko sa autoridad an sarong 50 anyos na lalaki pakatapos niya akuon an panggadan sa 20 anyos na daraga sa Atienza Compound, Purok-4, Barangay Alawihao, sa banwaan na ini.

Sa report kan Daet police, an suspechado na si "Arnel", inako na sinaksak niya an victima na si "Angelica" nin huli sa makuring selos, kan magdesisyon an daraga na iwalat siya asin magduman sa Lucena City.

Si "Angelica" residente kan Purok-2, Barangay Bibirao, sa banwaan na ini.

Sabi pa kan suspek, linubong niya si "Angelica" sa likod na parte kan function hall sa atubangan kan saiyang pig-aarkilang istaran.

Nakua an lawas kan biktima kan mga personahe kan Daet police duman sa nasambit na lugar.

Maatubang sa reklamong Murder an suspechado, sabi pa kan pulis.