Latest

Curfew Ordinance sa Naga, maisog na iiimplementar


Retrato: City Government of Naga


NAGA CITY—Mayo nin sasantohon an gobierno lokal kan Naga sa sisay man na madakop na nagbabalga kan ordinansa sa curfew.

Nin huli sa pagboot kan gobierno national, an curfew digdi nagpopoon nin alas 12:00 nin matanga abot na alas 4:00 nin aga.

An City Hall nagpaluwas nin patanid sa gabos na an sisay man na dai magsunod igwa nin sasapoon na magkakanigong kaso, base sa pagboot ni Mayor Nelson Legacion.

Mientrastanto, tinawan nin doon kan ciudad, na nag-iimplementar man guiraray sinda kan ordinansa dapit sa group drinking,  na inaprobaran man kan Sangguniang Panglungsod kan nakaaging pirang semana.

Sa enot na implementasyon kan Curfew Ordinance, 26 tulos an nasampolan na pinadakop kan City Hall.

Si PLt. Col Errol Garchitorena, an deputy director kan ciudad iyo an namamayo kan grupo na nagpapasunod kan mga ordinansa.

Maroromdoman na pinatanidan kan City Hall an mga kagsadire nin mga establisimiento commercial na igwa sinda nin obligasyon na paisihon an saindang customers kan oras na ipapasunod an ordinansa.

Tulong mga kagsadire nin establisimiento commercial sa Naga na, an enot na sinampolan, nin huli sa pagbalga kan ley.