Latest

Padi sa Legazpi, positibo sa COVID-19



LEGAZPI CITY (Bicol Standard) -- Pigconfirmar kan Diyosesis kan Legazpi na si Rev. Fr. Antonio B. Peralta nagpositibo sa helang na COVID-19.

Sa pahayag ni Rev. Fr. Rex Paul B. Arjona, Spokesperson kan Diocese of Legazpi, si Fr. Peralta iyo an Bicol Patient 776.

Si Fr. Peralta 64 anyos, taga Sipi, Daraga, Albay, asin Vice-Rector kan Mater Salutis College Seminary.

Sa presente, naka-quarantine siya lugar kun sain siya nakadistino.

Dugang pa kan pahayag, nagkaigwa nin kalintura asin pagkawara nin pagparong asin pagnamit an pasyente kan Agosto 7.

Sabi pa, may permiso ki Fr. Peralta an pagpublikar kan saiyang pangaran.

Ini ginibo tanganing makatabang sa contact tracing.

Naghagad man nin pangadye an diyosesis sa pagrahay kan padi, padagos na suporta sa frontliners asin mga autoridad, asin pagsunod sa mga health protocol.