Latest

DJ sa Sorsogon, binadil, gadan



SORSOGON CITY (Bicol Standard) – Naggigibo na nin hararom na imbestigasyon an mga awtoridad sa Sorsogon nganing mabisto an mga responsable sa pagbadil, gadan, kan sarong disk jockey (DJ) na estasyon nin radyo sa Bulan, Sorsogon.

Segun sa informasyon hale sa Police Regional Office 5, an biktima nabisto sa pangaran na Ric Ian Bill De Leon, 29 anyos, nagtatrabaho sa Padaba FM Radio, sa Barangay Managa-Naga, Bulan, Sorsogon.

An mga imbestigador nagsabi na nagsapo nin mga tama nin bala sa lawas si De Leon, hale sa dai pa maaraman na kalibre nin badil.

Idinalagan pa kuta sa Bulan Medicare Hospital an biktima, alagad pigdeclarar kan doctor na dead on arrival.

Mayo pa nin malinaw na informasyon kun sisay an naggadan saiya, mantang dai nabisto an mga paragadan.