Latest

Tinanom na tawa-tawa, potential na bulong sa COVID-19 -- DOST



Naggigibo na ngonian nin clinical trial para sa potential kan tawa-tawa asin iba pang mga tinanom digdi sa Pilipinas bilang dagdag na bulong sa pasyenteng igwa nin COVID-19.

Ini an sinabi kasuodma ni Department of Science and Technology Secretary Fortunato dela Peña.

Dagdag ini sa enot na pig-aadalan na virgin coconut oil asin lagundi.

Sinabi ni Peña na an DOST naggigibo na nin hararom na pag-aadal kan paggamit  kan tawa-tawa bilang therapy para sa mga paciente na may coronavirus disease o sa mga nakaexperiencia nin mild symptoms kan sinambit na helang.

Enot kaini, inako ni De La Pena na aprobado na an nasambit na tinanom na health supplement para sa dengue.

Nakasentro an pag-aadal ninda ngonian sa mga potential na tinanom para mapugolan an paggrabe kan mga sintomas kan COVID-19 sa mga pasyente.

Sa presente igwa nin 20 pasyente an imbuelto sa clinical trial asin kaipohan ninda dagdag pang 45 na individual para sa nasambit na pag-aadal kan ahensiya.