Latest

Marriage contract, rehistro, kaipohan kun masuno sa motorsiklo

PNA file photo

NAGA CITY (Bicol Standard) -- Kun gusto kang maglaog sa Ciudad kan Naga,
alagad nakasuno sa motorsiklo, pasegorohon na dara mo an marriage contract nindo.

Kun mayo kan documentong ini, dai tutugogan na makabaktas sa linderos kan ciudad, sabi sa patanid.

An lokal na gobierno digdi, hirit na ma-implementar kan border control, sa paagui kan team na pinapamayohan ni P/Lt. Roderick Macararanga, na iyo an natukahan na magsuperbisar sa boundary kan Naga asin Milaor, Camarines Sur.

Sa report na naguno hale sa City Hall, pigmamanda kan ciudad na sa gabos na panahon mag sunod kan health protocol, arog kan pag sulot nin face mask; kun nakasuno sa motorsiklo, kaipohan igwa sinda nin plastic barrier sa pag-ontanan kan driver asin kan agom na nakasuno.

Siring man, darahon an prueba na mag agom sinda, arog kan marriage contract na kasal sinda.

Si Macararanga nagpahayag man na kaipohan dara man kan driver an gabos na lehitimong documento kan motorsiklo na linulunadan kan mag-agom.

Naghagad nin kapatawadan an pulis sa strikto nindang implementasyon kan reglamentong ini, ta base man sana ini sa kasuguan ni Mayor Nelson Legacion, na an obheto mayong maolakitan kan helang na COVID-19.