Latest

DepEd Bicol, maako nin late enrollees hanggang Septiembre

LEGAZPI CITY (Bicol Standard) -- Padagos an pag-ako kan Department of Education (DepEd) regional office for Bicol kan late enrollees para sa school year 2020-2021 hanggang Septiembre.

Ini an pahayag ni Mayflor Marie Jumamil, DepEd-Bicol spokesperson.

Segun ki Jumamil, dakol pang mga magurang sa presente an dai pa nagdedesisyon manungod sa siring na bagay nin huli sa nagpapadagos na huma kan coronavirus disease.

An iba, sabi kan spokesperson, nagduduwa-duwa pa kun papaklasehon an saindang mga aki sa public o private schools.

Pigrerespetaran kan DepEd Bicol an desisyon na ini kan mga magurang, lalo na ta masakit nanggad an sitwasyon ngunyan.

Sa pinakahuring datos na pigpaluwas kan DepEd kan fecha 19 kan Hulyo, sinabi na 101,878 na an nagpalista para sa kindergarten,; 726,981 sa elementary; 198,164 sa senior high school; 493,970 sa junior high school; 5,723 learners with disabilities; 38,097 sa Alternative Learning System; asin 70,094 sa private schools.

Naglalaom an DepEd na madadagdagan pa an bilang na ini.