Latest

Prohibido sa Albay an pagdara kan buhay na orig na hale sa Cam Sur



NAGA CITY (Bicol Standard) -- Mayo nin bakuna, mayo nin bulong sa African Swine Fever (ASF)

Marikason ining makaolakit sa orig, sabi ni Dr. Emmanuel Villafuerte, an pamayo kan DA- Bureau of Animal Industry National Veterinary Quarantine Services, dai pa lang nahahaloy.

Si Villafuerte nagpaguiromdom sa gabos na kaipohan an makusog na pagtatarabangan sa pagresolver kan problema sa ASF sa Bicol.

Mientrastanto, nin huli sa presenteng sitwasyon an Albay nag-implementar nin ngonian nin temporary ban sa mga paglaog sa saindang provincia kan buhay na orig asin carne na hale sa Camarines Sur.

An lokal na gobierno kan Albay nagpaluwas nin noticia sa gabos na maski dai nakakaapektar sa salud kan tawo an sinambit na helang, nagdadara ini nin dakulang peligro sa industria kan pag-ataman nin
orig sa saindang lugar.

Sinabi sa report kan Department of Agriculture - Bicol, maski an mga baboy ramo (wild pigs) an dai nakakasalvar sa helang na ini.

Nin huli sa siring na sitwasyon, piglalaoman na masapo nin kakulangan nin supply kan carneng orig an Albay, afuera sana kun makakua sinda nin supply na gikan sa ibang lugar na mayo nin ASF.