Latest

Nagpabakal overpriced na alcohol, kinasuhan



LEGAZPI CITY (Bicol Standard)—Pigsangatan na nin kaso an tulong persona sa Sorsogon asin Legazpi sa pagbalgar kan RA 10623 (Price Act), RA 7394, (Consumer Act of the Philippines) asin RA 9711 (FDA Law against Selling Overpriced Alcohol Products).

Segun sa report kan Sorsogon police asin kan Police Regional Office 5, an mga suspechado iyo sinda Michelle Jazmin Gutierez, 22 anyos; John Paul Asi Macaraig, 27 anyos; pareyong taga Sorsogon, asin Jan-Rey Banania Arandia, 27, resident kan Legazpi.

An tulo dinakop sa entrapment operation kan Abril pakatapos sinda magpabakal nin overpriced na alcohol sa Magsaysay St., Barangay Sampaloc, Sorsogon City.

Labi sa 100 na bote nin alcohol na may manlaen-laen na brand an narekober sainda.

Ini may kantidad na P21,360, sabi kan pulis.