Latest

Lola, ginadan kan makuapo sa Polangui, Albay



POLANGUI, Albay (Bicol Standard) -- Ginadan kan 18 anyos na lalaki an saiyang lola, pakatapos na singilon siya kaini kan saiyang utang na dai binayadan.

An biktima iyo si Natividad Villanueva, 66 anyos an edad, mietras na an suspechado iyo si Albert Villanueva, na nag-eestar sa P-5, Barangay Colic, digdi.

Sabi kan Municipal Police Station kan Polangui, kasubagong alas 10:35 (Hunyo 10), narecibe ninda an apod sa telephono hale ki Punong Barangay Aiza T. Recana, dapit sa nangyaring krimen.

Nagreport an Punong Barangay na harayo sa banwaan dapit sa krimen na nangyari sa saindang lugar.

Sa nagunong informasyon, poco mas o menos alas 9:00 nin aga, naheling si Natividad Villanueva na nasa kusina, nakagapos an bitis, asin mayo na nin buhay.

Base sa pagsiyasat, bago mangyari an krimen, siningil an suspechado kan saiyang lola kan saiyang utang na dai pa nabayadan.

Na-anggot an suspechado sa saiyang lola, asin nin huli kaini ginadan an gurang sa paagui nin pag popok nin kahoy sa payo kan gurang.

Sa presente nag iimbestigar pa an pulis, mientras na pig pepreparar an isasangat na caso contra sa suspechado.