Latest

E-government bill, pig-aprubaran na kan House panel



MANILA (Bicol Standard)—Pig-aprubaran na kan House Committee on Information and Communications Technology an propuestong pag-establecir kan e-government, bilang saro sa mga lakdang pasiring sa "new normal."

An House Bill (HB) No.1248 pigpadrinuhan ni Deputy Speaker and Camarines Sur 2nd district Rep. LRay Villafuerte.

Segun ki Villafuerte, nagpapasalamat siya sa pag-aprubar kan bill, na pigproponer niya poon pa kan ika-17 Congreso.

Nagpaliwanag si Villafuerte na mantang luma na an propuestong bill, naging malinaw an importansya kaini sa panahon kan pandemya.

Piglalaoman na sa tabang kan House Bill No. 1248, mapapa-orog an electronic government services asin an mga proseso digdi sa gabos na state agencies asin corporations sa Pilipinas.

Dagdag pa digdi, nangangapodan an bill na pagsararuon an pig-aapod na citizen frontline services kan gabos na ahensya de gobierno, siring kan registration, digitization, asin records management.