Latest

Legazpi City, nagtao nin kantidad PHP9.7-M na Covid-19 lab machines sa Bicol




LEGAZPI CITY (Bicol Standard)-- Sarong automated extraction machine asin duwang Real Time Polymerase Chain Reaction (RT-PCR) machine an pigtao kan city government kan Legazpi kasuodma sa Department of Health (DOH) sa Bicol bilang tabang sa laban kontra Covid-19 kasuodma .

Segun ki Dr. Ernie Vera, DOH Bicol Director, dakula ining tabang tanganing madagdagan an testing capacity kan Legazpi City asin kan Bicol, kaya dakula man an saiyang pasasalamat ki Mayor Noel Rosal.

May kantidad na PHP9.7-million an nasambit na dugang na laboratory equipment.

Pigpaliwanag man ni Vera na nin huli ta mayo nin accredited laboratory an city government tanganing magtest nin sample para sa coronavirus, madesignar nin lugar an DOH-Bicol sa laog kan Bicol Regional Diagnostic and Reference Laboratory (BRDRL) kun sain ilalaag asin gagamiton an mga nasambit na makina.

Pwede nang magtest nin 380 hasta 420 na sample kada aldaw gamit an automated extraction machine asin an tulong PCR machine, sabi ni Vera.

Sa enterong rehiyon, duwa sana an accredited na Covid-19 testing centers: an BRDRL asin an Bicol Medical Center (BMC) sa Ciudad nin Naga.