Latest

Mga paratukdo sa Bicol, maresibi nin ICT training



MANILA (Bicol Standard)—Maresibi nin training sa Information and Communication Technology an mga paratukdo sa Bicol, segun sa Department of Information and Communications Technology (DICT).

Sabi kan oficina, saro an rehiyon sa mga napiling lugar kun sain matao nin training an DICT tanganing matabangan an mga paratukdo na magpreparar sa pagconducir nin klase por medio kan Internet.

Sabi kan DICT, an mga detalyes kan webinar mababasa sa Facebook page kan DICT Luzon Cluster 3.

Maroromdoman na an Department of Education nagpepreparar na online classes na mapoon sa Agosto ngunyan na taon.

Ini bilang pag-otob sa rekomendasyon kan mga eksperto na ebitaran an face-to-face classes, o i-oktaba ini hasta sa mga huring parte kan taon, o kun igwa nang makuang bulong sa coronavirus.

Nagsabi man an gobierno nasyonal na makakatabang an online classes sa laban kontra sa tinatakutan na helang.