Latest

Contact tracing schemes, ipapaotob kan Diocese of Sorsogon



SORSOGON CITY (Bicol Standard)--Kaipuhan magsurat sa logbook an mga parasimba sa Diocese of Sorsogon sa irarom kan new normal.

Ini an saro sa mga esfuerzo kan diocesis tanganing maging madali an contact tracing en caso magkaigwa nin kaso kan pigtatakutan na COVID-19 sa laog kan simbahan.

Bawal naman an pagkapot sa mga imahen sa laog kan simbahan, sabi sa anuncio.

Afuera kaini, kaipuhan na pirming magsulot nin face mask, magpacheck kan temperatura,  magtungtong sa foot bath, mag-obserbar nin physical distancing, asin magamit nin alcohol o hand sanitizer.

Maroromdoman na sa pinakahuring ipinaluwas na pagboot, 50 porsyento sana kan seating capacity kan simbahan an pwedeng mapano sa irarom kan modified general community quarantine.

Mientrastanto, padagos man an online Sunday masses kan diocesis na madadangog por medio kan radyo.