Latest

BIR, nangapodan sa mga online businesses na magrehistro


MANILA (Bicol Standard)--Tanganing maseguro kan gobierno na legal an operasyon kan mga online business, kinakaipuhan an mga ini na magrehistro sa Bureau of Internal Revenue (BIR), segun ki BIR Deputy Commissioner Arnel Guballa.

Sa pahayag sa media, sinabi ni Guballa na an mga saradit na negosyante dai man kaipuhan maghadit sa pagbayad nin buwis kun dai man sobra sa PHP250,000 an saindang income sa sarong taon.

Ini nin huli ta sinda exempted man sa pagbayad kan income tax.

Alagad, kaipuhan nindang magbayad kan registration fee na P500.

Ini sana an saindang babayadan, apwera kun dai sinda kalipikado sa tax exemption, sabi pa niya.

Poon pa kan 2013, nangangapodan na an BIR na magregister an mga online business.

Alagad, kan nagkaigwa nin lockdown, pinagmarhay ninda na pagirumdumon an mga business owners sa requisitong ini, nin huli sa paglangkaw kan mga numero kan mga negosyo na naglaog sa online selling.