Latest

An mayo nin special permits na jeepney, van, dadakopon -- LTFRB Bicol




LEGAZPI CITY (Bicol Standard) -- "An mga mayo nin special permits na jeepneys asin van na aprobado kan Land Transportation Franchising and Regulatory Board (LTFRB) an consideradong colorum."

Ini an pahayag ni Ed Montealto Jr., an Officer-in-Charge kan opisina regional kan LTFRB sa Bicol.

Nagpahayag ni Montealto na an paghagad kan saindang opisina nin special permit para sa protection asin seguridad kan mga pasahero bako sanang sa COVID-19 kundi sa ibang posibleng magbutwa na problema sa byahe ninda.

Mawot kan LTFRB na maseguro na an mga franquisa asin insurance kan mga pasahero an dai pa nagpaso.

Segun pa ki Montealto, base sa ley, an sisay man na mapatunayan na nagbalga kan reglamento an may kastigong multa nin kantidad poon sa P5,000 asin pwede pang mag-abot sa kantidad na P200,000.