Latest

2,000 na enumerators kaipohan kan PSA sa CSur




NAGA CITY (Bicol Standard) -- Sagkod ngonian an Philippine Statistics Authority (PSA) nag-aako pa nin mga aplicante para sa kaipohan nindang 2,000 na enumerators, team supervisors asin area supervisors.

Kaipohan na mapanoan kan saindang opisina an mga bakanteng position na madidistino sa mga LGU para sa gigibohon na Census of Population and Housing na mapoon sa Agosto asin Septiembre 2020.

Nin huli sa problema sa pandemya, an mga aplicante pwede na magkua nin application form online, para sa examination asin interview.

Segun sa pinaluwas na informasyon kan PSA an interview para sa mga applicate na hale sa Camaligan nakatalaan gibohon sa Hunyo 15; Hunyo 16 sa Goa asin Presentacion.

Sa San Jose, Hunyo 17; Hunyo 22 sa Lagonoy; asin fecha 29 asin 30 sa Libmanan.

An sweldo para sa mga HQ clerks asin enumerators P535 pesos an aldaw asin sa mga Census Area Supervisors, P595 an aldaw