Latest

TD Ambo, madarang makusog na uran sa Mindanao





MANILA (Bicol Standard) -- Binabantayan ngonian kan Philippine Atmospheric Geophysical and Astronomical Services Administration (PAGASA) an sarong Tropical Depression asin Low Pressure area sa sirangan kan Mindanao.


Inapod kan Pagasa an TD na "Ambo", na yaon sa distansyang 565 km sa Sirangan kan Hinatuan, Surigao del Sur.

An apektado kan nagbibilog na maraot na panahon iyo an Timog asin Weste na parte kan Mindanao.

Inabisohan kan ahensiya an mga residentes kan Caraga, Davao asin Soccsksargen region na mag preparar sa linalaoman na pagbulos kan makusog na baha sa mga hahababang lugar, asin pwedeng mag tiris an daga sa ibang parte kan Mindanao.