Latest

Tamang informasyon dapat itao kan pasahero sa PUVs - LTFRB


MANILA (Bicol Standard) An Land Transportation Franchising and Regulatory Board (LTFRB) nag aapelar sa mga pasahero na magtao nin tamang informasyon sa public utility vehicles (PUVs) nganing matabangan an mga awtoridad sa salud na effectibong contact-tracing system.

Sinabi ngonian na aga ni LTFRB chair Martin Delgra III na an pagtao nin sala na informasyon kan pasahero sa kan PUV dai makakatabang sa esfuersos kan gobierno na olangon an paglakop kan COVID 19.

Mantang tinugotan na kan gobierno an pag byahe kan ibang PUVs sa mga lugar na nasa irarom kan general community quarantine (GCQ), sinusugo an mga drivers na mag saray kan record kan mga pasahero para sa contact details.

Kan hinapot si Delgra kun mabalga ini sa data privacy law, saiyang sinabi na para ini sa karahayan kan gabos, sa tahaw kan national public health emergency.

Dapat suportaran kan gabos an siring na programa, para sa karahayan kan gabos, sabi pa ni Delgra.