Latest

Suspechado sa Estafa, arestado sa Pamplona

Retrato hale sa Pamplona MPS


NAGA CITY (Bicol Standard) -- Dinakop kan autoridad kan sarong aldaw an akusado sa reklamong Estafa through falsification of public documents na si Ramon Villar y Cruz, 56 anyos, may-agom, asin nag-aarkila nin residencia sa Zone-1, Barangay Poblacion, Pamplona, Camarines Sur.

Sa report kan pulis, sinabi na si Villar may mandamiento de arresto na pigpaluwas ni Judge
Maria Nena J. Santos, Presiding Judge kan National Capital Judicial Region, RTC Branch 171, Valenzuela City.

An mandamiento de arresto  may fechang March 13, 2013, asin nakadocket sa Crim. Case No. 1397-V-12.

Imbuelto sa negosyong Buy and Sell si Villar.

Segun sa Pamplona police, an suspek taga-Amorsolo Street, San Lorenzo Village, Makati.

Mayong pigrekomendang piansa sa nasambit na reklamo kontra sa suspechado.