Latest

School year 2020-2021, mapoon sa Agosto 24



MANILA (Bicol Standard) -- Fecha 24 kan Agosto an oficial na poon kan klase sa school year 2020-2021, segun ki Education Sec. Leonor Briones kasubago.

Ini base sa ginibong konsultasyon kan DepEd sa mga magurang, mga estudyante, asin education stakeholders.


Sabi ni Briones, dai man boot sabihon kaini na kaipuhan nang maglaog an mga estudyante sa classroom.

Mientrastanto, an mga maestro asin maestra mapoon kan saindang pagpreparar sa pagbukas nin klase sa fecha 1 kan Junio.

An school year 2020-2021 matapos sa Abril 30, 2021, sabi pa ni Briones.