Latest

RT-PCR machine kan DOH-CHD Bicol, bakong raot




LEGAZPI CITY (Bicol Standard) -- Dae naraot an RT-PCR (Reverse transcription polymerase chain reaction) machine kan DOH CHD Bicol kan nakaaging bagyo.


Alagad kaipuhan kuahon ngona an mga sample sa laog kan pig-aapod sa biosafety cabinet, antes makapoon guiraray sa proseso kan testing.

Piglinaw pa kan oficina na an naraot iyo an exhaust duct kan biosafety cabinet, bako mismo an makina.

Paramientras, an ibang mga sample pinadara muna sa Research Institute for Tropical Medicine (RITM), asin mayo pang nareresibing mga resulta sa oras na sinusurat an baretang ini.

Nagpaguiromdom man an DOH CHD Bicol na kaipuhan ipadagos an pagsunod sa mga direktiba sa community quarantine tanganing maebitaran an paglakop kan COVID-19.