Latest

Nurse na taga Naga City, naolakitan nin COVID 19 -DOH Bicol


LEGAZPI CITY (Bicol Standard) Sarong paciente na taga Naga City an confirmadong pinaka bagong naolakitan kan coronavirus disease.

Ini an sabi kan Department of Health Center for Health Development sa Bicol sa saindang report.

Sabi sa informasyon, 1 an bagong posivite COVID 19 case sa 29ng samples na pinadara sa Bicol Regional Diagnostice and Reference Laboratory (BRDRL).

Igwa na ngonian nin 67ng recorded na caso kan COVID 19 sa Bicol.

Segun sa DOH-CHD Bicol, an pinaka bagong naolakitan kan coronavirus disease iyo an 32 anyos na babae, Filipino, taga Naga City, Camarines Sur.

Nagkaigwa siya nin contact sa paciente na may local code Bicol#60.

Mayong symtoms na naheling na paciente kan nagpaheling siya sa Camarines Sur Provincial Health Office kan Mayo 12, 2020.

Saro siyang nurse, asin nasa quarantina ngonian.

Huli kaini, igwa na ngonian nin total na 23 na health workers na naolakitan kan helang digdi sa Bicol.