Latest

Byaheng Naga-Sipocot, Naga-Del Gallego kan AMV Travel and Tours, may permiso na


NAGA CITY (Bicol Standard) -- Pigtawan nin special permit kan Land Transportation Franchising and Regulatory Board (LTFRB) an pagbiyahe kan public utility bus company na AMV Travel and Tours, sa rutang Naga-Sipocot (asin vice versa) asin Naga-Del Gallego (asin vice versa).

Segun sa gobierno local, an permit madurar hasta Hunyo 15, 2020, 6AM-6PM.

"An mga viajero, dapat na nakasulot nin FACE MASK asin masairarom sa TEMPERATURE CHECK asin pag LOG-IN sa RECORDS kan Bicol Central Station (BCS) para sa contact tracing kun kinakaipuhan," sabi sa anuncio.

An pigtutugutan na makalaog asin makaluwas nin border kan ciudad, segun sa pinakahuring Memo Circular na pigpaluwas ni Alkalde Nelson Legacion kun saen kaiba an an minasunod na guidelines:

Ano an mga dokumento/pass na kaipuhan darahon kun mapasiring sa ciudad?

KUN TAGA-LUWAS NIN NAGA, kaipuhan igwa nin minasunod:

BORDER PURCHASE PASS o BORDER WORK PASS kun mabakal nin pagkakan asin bolong o maaprubitsar nin kinakaipuhan na servicio kan mga establisimiento o sektor na pigtugutan magbukas sa irarom kan GCQ

SCHEDULE KAN CONFINEMENT O CHECK-UP O REFERRAL hale sa City o Municipal Health Officer kun maaprubitsar nin kinakaipuhan na servicio medikal

MISSION ORDER kun empleyado kan govierno asin igwa nin opisyal na kalakawan siring kan bank transaction na kinakaipuhan para sa operasyon kan ahensya o institusyon

BORDER WORK PASS kun matrabaho sa mga establisimiento asin sektor na pigtugutan magbukas sa irarom kan GCQ sa laog kan ciudad.

HOSPITAL-ISSUED ID O FETCHER'S PASS kun medical personnel o kun mahatod o masundo nin medical frontliners sa mga ospital asin clinic

IMT COMMAND AND GENERAL STAFF ID kun igwa nin opisyal na kalakawan para sa operasyon kan IMT

IATF PASS kun madeliver nin essential goods

AGRICULTURAL PASS kun igwa nin kinakaipuhan gibuhon na aktibidades manunungod sa agrikultura

CONSTRUCTION QUARANTINE PASS hale sa DPWH, CEO, o MEO kun matrabaho sa konstruksyon

DRIVER'S LICENSE asin SPECIAL PERMIT TO OPERATE (para sa mga public utility jeepneys, buses, asin UV Express) kun nagpapadalagan nin public utility vehicles

MEDICAL CERTIFICATE asin INDORSEMENT hale sa LGU kun maatendir nin funeral o internment ceremony.

Rekisitos para sa mga mabalik sa Naga hali sa mga lugar na may positibong kaso nin COVID-19:

Letter of Acceptance hali sa Naga City IMT

Letter of Endorsement hali sa opisina kan Alkalde kan pinaghalian na lugar

Barangay Clearance

Public Health Certificate hali sa City/Municipal Health Office kun mayong PCR test result

Detalye kan pagbyahe:

-Pangaran kan pasahero asin contact details
-Pangaran kan driver
-Kumpletong detalye kan lugar na pinaghalian asin destinasyon
-Aldaw nin paghali
-Deskripsyon kan awto (plate number, model number, kolor)

Kasuratan nin pagtugot kan mabalik na residente na magpasairarom sa quarantine sa city controlled facility.

Iba pang requirements:

-OWWA Certification kun OFW
-DOT Certification kun domestic traveler
-Valid School ID o Certificate of Registration kun estudyante
-Valid Employment ID or certificate of employment kun empleyado
-Medical Certification with schedule of medical consultation kun may helang alagad bakong COVID-19.