Latest

LTO, nagpatanid sa ilegal na online application, renewal kan lisensya





MANILA (Bicol Standard) -- Nagpatanid an Land Transportation Office kontra sa mga tawong nag-oofrecir nin application o renewal kan driver's license por medio kan social media.

Ini pakatapos an ahensya makaresibi nin mga report na igwang mga indibidwal na nagtatangro kan nasambit na serbisyo apesar dai man awtorisado kan LTO.

Sabi kan LTO, pig-iimbestigaran na ninda an nasambit na modus, tanganing mabisto an mga imbwelto sa ilegal na gibo.

An mga ini maatubang nin casong kriminal, civil, asin administratibo, sabi sa pahayag.

Nagpagirumdom man an LTO nin huli sa enhanced community quarantine, pig-oktaba muna kan LTO an application asin an renewal kan driver's licenses, ibang permit, asin pagrehistro nin motor vehicles hasta sa sinda oficialmenteng magbalik na sa serbisyo.

Gabos na driver's license, permits, asin rehistro kan motor vehicles na maexpire sa panahon na may ECQ icoconsiderar na valid pa, sabi sa report.