Latest

PUVs, dapat may lista kan saindang pasahero -- LTFRB

LTFRB


MANILA (Bicol Standard) -- An gabos na public utility vehicles (PUVs) an kaipohan na magkaigwa nin manifesto kun an saindang operasyon magpadagos na sa lindong kan general community quarantine, an pahayag kan Land Transportation and Regulatory Board (LTFRB).

Sinabi ni LTFRB chairman Martin Delgra III, an gabos na PUVs sakop an mga buses, jeepneys, tricucles, taxis asin TNVS, afuera kan iba pa -- an dapat igwa nin record kan saindang pasahero para sa contact tracing mientras na may problema pa sa coronavirus disease.

Kaipohan nakabugtak sa manifesto an ngaran kan naglunad saiya, contact number sa parte kan bus operator.

Bako sanang bus, kundi gabos na public transport system, jeep, taxi, gabos, sabi ni Delgra durante kan
Laging Handa public briefing.

Mientras na an mga operators kaipohan igwa nin manifesto, an LTFRB nagappealer sa publico na magkaigwa man nin sadireng record kan detalyes kan PUVs na piglunadan.

Idinagdag ni Delgra na dapat adalan na kan mga operators nin PUVs an dapit sa cashless payment schemes na gamit na kan transport network vehicle services (TNVS).

Hasta ngonian suspendido pa sa lindong kan modified enhanced community quarantine an public transport.