Latest

Liquor ban, pighale na sa Albay



LEGAZPI CITY (Bicol Standard) -- Pwede na guiraray an pagpabakal, pagdistribuir, o an pag-inom kan manlaen laen na klase nin arak sa Provincia nin Albay sa irarom kan General Community Quarantine.

Ini pakatapos ipaluwas ngunyan na aldaw an Executive Order No. 19, Series of 2020 ni Gov. Al Francis Bichara, na naghahale kan liquor ban sa Albay.

Alagad, segun ki Bichara, dapat man guiraray sunudon an mga reglamento sa minimum health standards, arog kan social distancing, pagbawal sa mass gatherings, asin pagbawal sa pag-inom sa pampublikong lugar, mga restaurant, asin iba pa.

An Executive Order pag-enmienda sa enot na ipinaluwas na Executive Order No. 17-A.