Latest

LGUs, dapat magsubmit na kan lista para sa 2nd tranche kan SAP -- DILG



MANILA (Bicol Standard) --  Pigsugo na kan DILG an mga local government units (LGU) na magsubmit sagkod sa Mayo 21 kan pangaran kan mga pamilya na marecibe kan ikaduwang tranche kan ayuda sa Social Amelioration Program.

Tinawan nin tulong aldaw kan DILG an mga LGUs na magsubmit kan enot na listahan sa sainda asin sa DSWD, na iyo an mavalidate kan listahan, sabi ni Interior Secretary Eduardo Año, sa statement na
pinaluwas sa media.

Sabi ni Año, an listahan dapat kabale an low-income families na dai nakabale o dai nakarecibe nin cash assistance sa first tranche kan SAP, na kabale an 18 milyones na low-income households.

Sabi pa ni Año, an initial list kan second tranche recipients dapat isubmit kan barangay, maski pa bako sindang botante sa lugar o bako pang halawig na panahon nag-estar sa lugar.

Piglinaw niya na an listahan kan LGUs sa second tranche kan SAP an dapat i-validate kan DSWD.