Latest

Kafiestahan kan Our Lady of Peñafrancia de Manila

Our Lady of Peñafrancia de Manila
Kua ni Mic Manzanares, hale sa Facebook page kan Our Lady of Penafrancia de Manila Parish



Pigseselebrar ngunyan na aldaw an kafiestahan kan Our Lady of Peñafrancia de Manila sa parokya kan Our Lady of Peñafrancia sa Paco, Manila.

Segun sa istorya, an debosyon na ini posibleng nagpoon kadto pang ika-17 na siglo.

An sabi, may nakuang imahen kan Mahal na Birhen sa gilid kan Pasig River an nagkapirang mga paraoma asin parasira kan fecha 14 kan 1621.

An nasambit na imahen pigdara sa Candelaria Church sa Paco Manila (San Fernando de Dilao), alagad an imahen parating nawawara asin makukua giraray sa lugar kun saen enot ining nadiscubre,

Nagdesisyon an mga tawo duman na magtugdok nin visita o kapilya kun sain ipiglaag an imahen.
Iyo na ini an pinunan kan Paco Church.

Sabi pa sa istorya, an familia Covarrubias iyo an nagdara kan imahen sa Pilipinas gikan sa Salamanca, Spain kan ika-17 siglo tanganing ipalakop an debosyon sa Mahal na Ina.

Si Miguel Robles de Covarrubias an nagdara sa imahen sa Bicol kan siya maging kura paroko sa Nueva Caceres.