Latest

Ibang negosyo kan ABS-CBN, pwede pang magpadagos



Pwede pang magpadagos an ibang negosyo kan ABS-CBN apesar kan pigpaluwas na cease and desist order kan National Telecommunications Commission (NTC) nin huli sa pagpaso kan congressional franchise.



Maroromdoman na pigmandahan kan NTC ngunyan na aldaw an ABS-CBN na punduhon an operasyon kan mga TV asin radio broadcasting station kaini sa enterong nasyon.

Alagad, sa pinaluwas na report kan ABS-CBN, an online assets, siring kan news, entertainment, asin sports websites, pwede pang magpadagos sa pagdara nin mga programa sa publiko.


Kaiba digdi an iWant video streaming service asin app, an cable channel na ANC, an Star Cinema, asin an official YouTube asin Facebook channels kan ABS-CBN.

Sabi kan network, an mga ini dai kaipuhan nin congressional franchise tanganing mag-operate.