Latest

DOH Bicol: 19 nang health workers naolakitan COVID-19 sa rehiyon



LEGAZPI CITY (Bicol Standard) -- Nag abot na sa 19 mga health workers sa Bicol an naolakitan kan COVID 19.

Ini an informasyon na pinaluwas hale sa DOH Bicol, bilang paguiromdom sa gabos na maging ma-maan sa gabos na panahon, huli ta dai pa tapos an pagkuriyat kan coronavirus pandemic.

Kan sarong aldaw, 2 pang mga health workers an confirmadong naolakitan kan helang.

Huli kaini, 59 na gabos an igwa kan nasambit helang sa Bicol ngonian.

Hastang sinusurat an baretang ini, an Bicol igwa na nin total na 59 confirmadong caso kan coronavirus.

Sabi kan DOH, an mga bagong naolakitan kan helang iyo an 48 anyos na nurse, na residente kan Daraga, Albay.

Nagkaigwa kan helang kan naolakitan kan saro man na nurse sa Bicol REgional Training and Teaching Hospital. Ika 58 sinang naolakitan kan helang.

Mientrastanto, sabi pa kan DOH an ika 59ng caso kan COVID 19 iyo an 27 anyos na lalaki na taga Ligao City. Siya an utility worker sa health facility sa hospital.