Latest

Civil Service Commission Field Office Albay asin Catanduanes, bukas na sa aga




LEGAZPI CITY ( Bicol Standard)  -- An Civil Service Commission (CSC) sa Bicol nagpaguiromdom sa mga igwang transaksyon sa opisinang ini kan gobierno na poon sa aga, Lunes, (Mayo 18) bukas na an saindang Field Offices sa Albay, asin Catanduanes.

Pinaliwanag kan opisina rehiyonal kan CSC na an ibang mga field offices, arog kan sa Camarines Sur, Camarines Norte, Masbate asin Sorsogon, enot nang nagbukas kan Mayo 4 pa.

Bukas an saindang mga opisina poon Lunes hasta Jueves.

An aldaw na Viernes pigtagama kan opisina para sa pag linig, disinfection kan gamit na buildings asin sa saindang solar.

Mayo nin walk-in clients asin bisita na aakoon sa mga aldaw na nasambit, afuera kan si may dati nang appointment sa sainda.

Arog kan pig papasunod na reglamento kan Departamento de Salud, an CSC stricto sa pagpasunod kan protocols asin health standards sa gabos na oras.