Latest

Caretaker kan resort sa Goa, CSur, nakuang gadan



GOA, Camarines Sur (Bicol Standard)-- Isasairarom sa autopsia an 58 anyos na caretaker /maintenance worker kan sarong resort sa banwaan na ini.

Segun sa Camarines Sur police, an persona na binistong si Roberto Patoc y Pamon, nakuang dae na nin buhay sa creek sa laog kan CRL Farm & Resort kan saiyang katrabaho alas 5:30 kasubagong hapon.

An resort namumugtak sa  sa Zone 5, Barangay Catagbacan, Goa, Camarines Sur.

Maconducir nin follow-up investigation an pulis tanganing aramon an causa kan pagkagadan.