Latest

Bicol, ipigbwelta sa modified General Community Quarantine


MANILA -- Ipigbwelta sa modified General Community Quarantine sa Mayo 16 hasta 31 an Bicol region, kaiba an Albay, Camarines Norte, Camarines Sur, Catanduanes, Masbate, Sorsogon, Legazpi City, Naga City, susog sa pahayag ni Presidential Spokesperson Harry Roque ngonian na aldaw.

Ini pakatapos kan anuncio na ipinaluwas kasuodma, na nagsabing an mga low-risk areas arog kan Bicol dai na isasairarom sa ano man na forma nin community quarantine poon Mayo 16.

Sa paliwanag ni Roque, an enterong nasyon nasa quarantine man giraray.

Sa mga nasa modified GCQ, pwede nang magtrabaho sa mga pig-aapod na "non-essential jobs" alagad dapat sunudon an minimum health standards arog kan pagsulot nin face masks, paghugas nin kamot, disinfection, asin physical distancing, sabi kan spokesperson.