Latest

Mayor Rosal, naghagad na linawon an issue sa inter-provincial travel policy


LEGAZPI CITY (Bicol Standard) -- Nangapodan si Mayor Noel Rosal, an chairman kan Regional Development Council sa Bicol, na dapat linawon an issue dapit sa inter-provincial travel policy kan gobierno.

Inapodan ni Rosal an mga gobernador asin mga alkalde na magtarabang sa pagclarificar kan bagay na ini.

Itinaong ehemplo ni Rosal an kamugtakan kan mga empleado na nagtatrabaho sa ibang provincia, alagad iba man an saiyang pigpupulian.

Idinagdag kan alkalde kan Legazpi City na dai na kaipohan an travel pass sa mga empleado na nagtatrabaho sa ibang provincia, nin huli ta an saindang ID sa trabaho, bastante nang prueba, sabi kan Department of Interior and Local Government (DILG) sa Bicol.

Alagad, sabi ni Rosal igwa nin mga provincia na iba man an policy, kaya kaipohan tulos na maresolveran an issue na ini.