Latest

Ambo, nagwalat nin P79M na destroso sa Bicol


PILI, Camarines Sur (Bicol Standard) -- Maski na ngani dai direktang tinamaan kan bagyong Ambo an kadaklan sa mga provincia sa Bicol, nagwalat ini nin destroso sa mga tanom asin ataman na hayop na may kantidad P79.9 milyones de pesos.

Sa pahayag ni DA Bicol Regional Executive Director Rodel P. Tornilla, sinabi nya na poco mas o menos 3,885 hectarias an afectado, asin 4,564 metric tons na ina sa produksyon.

An pinaka-afectado iyo an mga tanom na mais, sunod an paroy, high-value-crops, asin pinakadikit sa livestock o ataman na hayop.

Pinakadakula an destroso sa provincia nin Masbate, sunod an Camarines Sur asin Albay.

Maroromdoman na sarong semana antes magtama an bagyo, pigsugo na ni Tornilla an Regional Command and Action Center na magdistribuir nin mga banhi asin bulong para sa mga ataman na hayop.