Latest

"Ambo," naghihiro pasiring sa Bicol



NAGA CITY (Bicol Standard) -- Nasa Signal Number 1 na an Sorsogon, Ticao Island, Catanduanes, asin timog na parte kan Albay (Oas, Tabaco, Ligao City, Pio Duran, Guinobatan, Malilipot, Jovellar, Camalig, Santo Domingo, Bacacay, Rapu-rapu, Daraga, Legazpi, Manito) nin huli sa Severe Tropical Storm na si "Ambo," sabi sa weather bulletin kasubagong alas-5 kan PAGASA.

Mientrastanto, posibleng ibandera naman an Signal Number 1 sa timog na parte kan Camarines Sur asin iba pang parte kan Albay sa sunod na bulletin.

Kasubagong alas-4 nin hapon, an sentro ni "Ambo" nasa 315 km Sirangan kan Borongan City, Samar.

Ini may maximum sustained winds na hanggang 95 km/h harani sa mata asin pagbugso na hanggang 115 km/h.

Naghihiro sa direksyong West Northwest si "Ambo" sa rikas na 10 km/h.

Pwede pang magkusog si Ambo mantang nagrarani ini pasiring sa Eastern Visayas-Bicol Region.