Latest

9 anyos na aki linupigan, ginadan sa Del Gallego





DEL GALLEGO, Camarines Sur (Bicol Standard) -- Nagrurugnas na an bangkay kan nueve (9) anyos na aking babae na nakua sa madoot na lugar sa Barangay Mansalaya digdi kasuodmang hapon.

Segun sa ina kan biktima poon kan Mayo 6, dai na nagpuli sa saindang harong an aki asin mayong pagkaaram kun saen siya nagduman.

Nagluluwas sa enot na imbestigasyon na pwedeng linupigan ngona an aki, antes siyang ginadan.


Mag poon kan fecha 6, ngonian na bulan, kun pinag tarabangan na kan mga kapamilya kan biktima na hanapon an aki na basta sanang naghale sa saindang harong, apisar kan dai man ngani naanggotan.

Ipigreport sa hepatura kan pulis an pagkawara kan aki kan Jueves pa kan nagtalikod na semana.

Maging an mga opisyal kan barangay an nagtarabang na sa paghanap, pati si mga kataraid na lugar.

Segun sa pulis nakua an gadan na lawas kan aki kan Sabado, Mayo 9, poco mas o menos alas 2:00 nin hapon sa makaraan na lugar.

Mientrastanto, sarong lalaki na nag eestar man sa barangay na ini an nakadiscubre kan gadan, kan sinusog niya si malaen na parong kan duros.

Nakua an lawas kan gadan na isinuksok sa sadit na labot kan daga, dangat ipinaisi sa mga awtoridad. 

An ina kan biktima nagdududa na pwedeng an kag-gibo kan krimen iyo an saiyang kasaroan na ama-on man sana kan aki.

Ipinaliwanaag kan ina na kan Mayo 6, nagkaigwa sinda nin grabeng iwal saka kan saiyang kasaroan, na pwedeng iyo an rason kaya an binasol iyo si aki.

Si Deputy Chief of Police Lt. Jessie Abel Portugal Jr., kan Del Gallego Municipal Police Station, nagsabi na dai pa ninda pwedeng masabi kun ano an rason sa nangyaring krimen.

An pig tutukdong suspechado an pugol ngonian kan pulis. 

Habong magtao nin pahayag an pig tutukdong suspect sa krimen.