Latest

80% kan mga state universities, colleges, dai preparado sa online learning--CHED



MANILA (Bicol Standard) -- Ochenta porsyento kan mga state universities and colleges (SUCs) sa bilog na nasyon an dai preparado na magconducir nin online classes sa tahaw kan krisis sa coronavirus.

Ini an sinabi ni CHED Chairman Prospero De Vera III sa entrevista sa media.


Paliwanag ni De Vera, nin huli kaini, tatabangan kan CHED an mga SUC na magmokna nin learning management system sa maabot na tulong bulan.

Mientrastanto, dai man pigpara ni De Vera an posibilidad na magkaigwa pa nin klase sa mga unibersidad asin kolehiyo, alagad magiging limitado na sana ini.

Sa irarom kan flexible learning system, dai na kaipuhan na magduman sa eskwelahan pirmi an mga estudyante, sabi niya.

Piglalaoman kan chairman na magkaigwa pa nin mga adjustment pag nakadiskubre na nin bakuna sa COVID-19.