Latest

5ng para tupada, dinakop sa Milaor



MILAOR, Camarines Sur (Bicol Standard) -- Limang (5) tawo, anas parabulang, an dinakop kan mga tawohan kan Philippine National Police (PNP) kan banwaan na ini, mientras na nasa kainitan kan sultada sa tupada.

Nagluluwas sa report na an mga parasugal dai nakadulag kan sinda hilom na inosip sa mga pulis, huli sa lantadan na pagbalga kan PD 449 o an Illegal Cockfighting Decree of 1974.



Nangyari an raid kan tupadahan sa Zone 5, Barangay Dalipay, digdi.

Pig iimbestigaran an baretang ini para sierohon kun may pagkaaram an barangay kapitan asin an consejo sa barangay sa bweldong patupada.

Oya an listahan kan mga nadakop:
1. Christopher Serrano y Delos Angeles, 32, m, of Zone 1 Dalipay
2. Rodel Manoguid y Romero, 37, s, Zone 3 Dalipay
3. Eriberto Valeña y Esparagosa, 57, S, Zone 5 Dalipay
4. Louie Ebo y Deloyas, 24, m, of Zone 1 Dalipay
5. Daniel Remoto y Camacho, 19, s, of Zone 1 Dalipay,
Afuera kan limang nadakop sa tupadahan, oya pa an mga at large ngonian; na an boot sabihon hinahanap kan pulis
6. Dagul Baesa
7. Certain Albert Corpus
8. Joey Delos Angeles, gabos sinda mga residentes kan Milaor, Camarines Sur.

Tinuklo sinda kan mga pulis pasado alas 3:45 nin hapon, sa Dalipay, Milaor.

An barangay na ini kataid sana kan Ciudad nin Naga.

An mga imbuelto sa operasyon na nasambit iyo an pinagsararong miembros kan Intelligence 
Operatives kan gobierno, na pinapamayohan ni PCapt John Paul Nepomuceno.
Si PCapt Antonio Per, Jr.,an hefe kan pulis digdi nagsabi padagos an saindang operasyon sa mga illegal na actibidad.

Naka compiscar an mga awtoridad nin 2ng rinabotan nang balukag na manok, 1ng buhay na pambulang na may takod nang tambod, sarong talunan o sambot na may tambod pa, 2ng pidasong P100 na parada sa sultada, asin iba pa.